.
ဗိုလ်တထောင်စေတီတော် ဇမ္ဗူ့ဥသျှောင်တိလောကမာန်အောင်မဟာမုနိဘုရား ဗုဒ္ဓ၀ံသရက္ခိတ အသင်းကြီးကို ၁၃၆၈ ခုနှစ် သီတင်းကျွတ်လပြည့်နေ့ သောကြာနေ့တွင် စတင်တည်ထောင်သည်...
ဗုဒ္ဓ၀ံသရက္ခိတ အသင်းလူငယ်များ

Photobucket

ရန်ကုန်တိုင်း ၊ ဆိပ်ကမ်းမြို့နယ် ဗိုလ်တထောင်စေတီတော်ဇမ္ဗူ့ဥသျှောင်တိလောကမာန်အောင်မဟာမုနိဘုရားကြီး၏ ဗုဒ္ဓ၀ံသရက္ခိတအသင်းကြီးကို ၁၃၆၈ ခုနှစ် သီတင်းကျွတ်လပြည့် (အဘိဓမ္မာအခါတော်နေ့) တွင်စတင်ဖွဲ့စည်းတည်ထောင်ခဲ့ပါသည်။ အသင်း၏အဓိကရည်ရွယ်ချက်မှာ ထေရ၀ါဒဗုဒ္ဓသာသနာတော် သန့်ရှင်းတည်တံ့ ၊ ပြန့်ပွားရေးအတွက် ကာလဒေသနှင့်အညီဆောင်ရွက်ရန် လူငယ်လူရွယ်များ ဗုဒ္ဓအဆုံးအမ နှင့်အညီ ယဉ်ကျေးလိမ္မာစေရန် ဗုဒ္ဓ ဓမ္မ သံဃ ရတနာသုံးပါး၏ ဝေယျာဝစ္စ များစနစ်တကျဆောင်ရွက်တတ်စေရန်တို့ဖြစ်ပါသည်။ ဗုဒ္ဓ၀ံသရက္ခိတအသင်းကြီးသည် အပတ်စဉ် တနင်္ဂနွေနေ့တိုင်း ၊ ဇမ္ဗူ့ဥသျှောင်တိလောကမာန်အောင်အဟာမုနိရုပ်ရှင်တော်မြတ်ကြီးအား ရောင်တော်ဖွင့်ခြင်း ၊ ပရိတ် ပဋ္ဌာန်း၊ ဓမ္မစကြာများ ရွတ်ပွားပူဇော်ခြင်း ၊ ဗုဒ္ဓပူဇနိယပွဲတော်တွင် ပဋ္ဌာန်းပူဇော်ပွဲ ၊ ပိဋကတ်သုံးပုံနှင့် ပရိယတ္တိသင်ရိုးညွှန်းတမ်းစာအုပ်များလှူဒါန်းခြင်း ၊ ရပ်နီးရပ်ဝေးမှဘုရားကြေးဆင်းတုတော်များကို ရောင်တော်ဖွင့်ပေးခြင်း ၊ အထူးတရားပွဲများ ၊ သွေးလှူဒါန်းပွဲများကျင်းပခြင်း ၊ အခါကြီး နေ့ကြီး ရက်များ၌ စတုဒီသာများ ကျွေးမွေးလှူဒါန်းခြင်း၊ မသိုးသင်္ကန်းနှင့် ထမနဲထိုးပွဲများ စီစဉ်ကျင်းပပေးခြင်း ၊ ဗုဒ္ဓဘာသာယဉ်ကျေးမှုသင်တန်းများဖွင့်လှစ်ခြင်း စသော သာသနာပြုလုပ်ငန်းများကို တက်ကြွစွာ ကြိုးပမ်းဆောင်ရွက်လျှက်ရှိပါသည်။

ဗုဒ္ဓ၀ံသရက္ခိတအသင်းကြီး၏သတ္တမအကြိမ်မြောက်အထူးတရားပွဲ နှင့် စတုဒီသာထမဲနဲပွဲ ကြားသိသမျှ

ဗုဒ္ဓ၀ံသရက္ခိတအသင်းလူငယ်များမှ ဦးစီးသော သတ္တမအကြိမ်မြောက်အထူးတရားပွဲ နှင့် စတုဒီသာ ထမဲနဲပွဲအစီအစဉ်ကို ဖေဖော်ဝါရီလဆန်း ပိုင်းတွင်ပြုလုပ်သွားမည်ဖြစ်ကြောင်း
ဗုဒ္ဓ၀ံသရက္ခိတ အသင်း ဥက္ကဋ္ဌ ကိုညီထွေးအောင်ထံမှသိရှိရသည်။

အဆိုပါတရားပွဲကြီးကို အထူးအစဉ်အဖြစ် ချစ်သူများနေ့ တွင် ရွှေပါရမီတောရဆရာတော်အရှင်ဆန္ဒဓိက မှ
ချစ်သူများနေ့တရားကိုဟောကြားမည်ဖြစ်ကြောင်း...

စတုဒီသာ ထမဲနဲပွဲ အစီအစဉ်ကိုဖေဖော်ဝါရီလ ၆ ရက် တနင်္လာနေ့ ညနေပိုင်းတွင်
ဘုရားဖူးလာ ဓမ္မမိတ်ဆွေအပေါင်းတို့အား အရုတ်အလတ်အမြတ် မရွေး ကျွေးမွေးမည်ဖြစ်ကြောင်း...

အလှူဝင်ထည့်ဝင်လှူဒါန်းနိုင်ပါကြောင်း နိဗ္ဗာန်အကျိုးမျှော်ကိုး၍ အသိပေးနိူးဆော်လိုက်ပါသည်။
အလှူရှင်များဆက်သွယ်ရန်
ဗုဒ္ဓ၀ံသရက္ခိတ အသင်း ဥက္ကဋ္ဌ ကိုညီထွေးအောင်
Ph: ၀၉၇၃၁၆၁၇၇၂ ( 0973161772 )
Gmail nyi499@gmail.com
သို့ ကိုယ်တိုင်တိုက်ရိုက်ဆက်သွယ်လှူဒါန်းနိုင်ပါကြောင်း အသိပေးလိုက်ရပါသည်။

ဝေယျာဝစ္စ အလုပ်ကိုစိတ်ဝင်စားသော အသင်းသား ၊ အသင်းသူ
များကို လည်း လက်ခံနေကြောင်း အသိပေးသွားပါသည် ဟု သိရှိရပါသည်။
ထမဲနဲ ပွဲကို ၆ - ၂ - ၂၀၁၂ တပို့တွဲလဆန်း ( ၁၄ ) ရက်နေ့ တွင် ၎င်း
သတ္တမ အကြိမ်မြောက် အထူးတရားပွဲကြီးကို ၇ - ၂ - ၂၀၁၂ မှ ၁၆ - ၂ -၂၀၁၂ နေ့အထိ ကျင်းပသွားမည်ဖြစ်ကြောင်း ကြားသိရပါသည်။

Thursday, November 24, 2011

အသုဘနဲ့ မရဏာ နာနာပွားရမှာ


မရဏာနုဿတိအား နာနာပွား...

ဒီနေ့သွားခဲ့ရတာကတော့ စိတ်မကောင်းစရာပါ...
ဘာလို့လဲဆို အသုဘမို့...
အသုဘမှ ရိုးရိုးအသုဘမဟုတ် မိမိကိုယ်ကိုမိမိ ဖြေရှင်းလိုက်ပြန်တာ...
သံသရာတစ်လျောက်က ပါလာတဲ့ကံ၏အကျိုးတရားတွေ မနည်းဘူးကိုး...
သူတို့ အကျိုးပေးတော့မယ်ဆိုရင် စိတ်တွေက ကပြောင်းကပြန်...

သီလမပေးခင်မှာပဲ...
သေသူအတွက်ရည်စူးပြီး ပြုလုပ်တာမို့ နားလည်အောင် ရှင်းပြပေးခဲ့ပါတယ်...
သေဆုံးသူကို အမျှပေးဝေမှာ ဖြစ်တဲ့အတွက် မိမိမှာ ပေးစရာရှိဖို့ လိုပါတယ်...
သူ့ကို ဘာတွေပေးမလဲ...
ကောင်းကျိုးချမ်းသာ ဖြစ်စေလိုတဲ့အတွက်...
ကောင်းမှုဆိုတာ ကိုယ်မှာရှိရမယ် ကောင်းမှုကို အရင်ပြုရမယ်ပေါ့...

ဒါကြောင့်...
ဒါနကုသိုလ် ဆွမ်းလှူဒါန်းတယ်...
သီလကုသိုလ် ငါးပါးသီလစောင့်ထိန်းကြမယ်...
ဘာဝနာကုသိုလ် တရားတော်တွေ နာကြားရမယ်...
မေတ္တာတရားတွေ ပွားများရမယ်...
ပြီးတော့မှ ဒီကုသိုလ်တွေကို သူ့ကိုမျှဝေပေးမယ်ပေါ့...

နောက်တစ်ခု သိထားဖို့ကတော့ သီလရှိသူကို လှူဒါန်းမှအကျိုးကြီးမှာမို့...
ဘုရားအမှူးရှိတဲ့ အရိယာသံဃာကို အာရုံပြုလို့ လှူဒါန်းကြရမယ်...

သေသူဟာ ဒကာဒကာမတို့လို မလုပ်နိုင် မကိုင်နိုင်တော့ဘူး...
ဒါ့ကြောင့် ဒကာမတို့က ကုသိုလ်လုပ် အမျှဝေပေးနေရတယ်...
ဒီတော့ အချိန်ရှိတုန်း လုပ်နိုင်တုန်း လုပ်သင့်တဲ့ကုသိုလ်တွေ လုပ်ထားကြရမယ်...
သေတော့မှ မိသားစုက လုပ်ပေးရတာ သေချာတဲ့အလုပ် မဟုတ်တော့ဘူးလေ...
ကိုယ်တိုင် လုပ်ကိုင်ပြီး ကုသိုလ်တွေ ယူသွားကြရမယ်...
အချိန်ဆိုတာ ကိုယ်ပိုင်တာ မဟုတ်ဘူး...

ဘုရားက မသိနိုင်ခြင်းအကြောင်း ၅-မျိုးရှိတယ်တဲ့...
ဘယ် ၅-လုံးလို့ မှတ်ထားပေါ့...
ဘယ် ၅-လုံးဆိုတာက...
ဘယ်အရွယ် ဘယ်ရောဂါ ဘယ်အချိန် ဘယ်သင်္ချိုင်း ဘယ်ဘဝ...တဲ့

ဘယ်အရွယ်မှာ သေမယ် ဆိုတာလဲ မသိနိုင်...
ဘယ်ရောဂါနဲ့ သေမယ် ဆိုတာလဲ မသိနိုင်...
ဘယ်အချိန်ခါ သေမယ် ဆိုတာလဲ မသိနိုင်...
ဘယ်သင်္ချိုင်းမှာ မြှုပ်နှံမယ် ဆိုတာလဲ မသိနိုင်...
ဘယ်ဘဝကို ရောက်မယ် ဆိုတာလဲ မသိနိုင်...

ပြောစရာရှိတာလေးတွေ ပြောဆိုပြီးနောက်...
အရှင်ပုဏ္ဏအကြောင်း ဇာတ်တော်လေးတစ်ခုပါ ပြောပြလိုက်ပါတယ်...

အဓိကတော့ အရှင်ကောင်းဟာ သူသွားတဲ့အရပ်ဒေသမှာပဲ သူဟာသေမယ်...
သို့သော် သေမယ်ဆိုတာကိုတော့ သူမသိဘူးပေါ့...
မသွားခင် မြတ်စွာဘုရားက နှလုံးသွင်းကောင်းရန် တရားဟောလိုက်ကြောင်း...
ဟောကြားလိုက်တဲ့ တရားကို နှလုံးသွင်းရင်းနဲ့ပဲ တရားထူးရပြီးနောက်
သွားရာ ရောက်ရာအရပ်မှာ တပည့်ဒကာတွေကို တရားဟောပေး
နောက်ဆုံးတော့ သူသွားလိုတဲ့နေရာ အရပ်ဒေသမှာပဲ သေဆုံးသွားပါတယ်...
ဆိုတဲ့အကြောင်းလေးပြောပြီး အမျှဝေပေးခဲ့ပါတော့တယ်...

ဒီစာကိုဖတ်ရတဲ့ ဒကာဒကာမတို့လည်း ပေါ့ပေါ့တန်တန်မနေကြနဲ့တော့...
နေ့စဉ် နေစဉ်ဆိုတာလိုပေါ့ ကုသိုလ်ရအောင်ယူနေပါ...

အသုဘနဲ့ မရဏာ...
မေတ္တာနဲ့ ဂုဏ်တော်ဟာ အမြဲပွားရမှာ...
မမေ့လိုက်ပါနဲ့ သူတော်ကောင်းတို့ရာ...

ဦးလောကနာထ
၁၁.၂၂.၁၁


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

No comments:

Post a Comment

ကျနော်များ၏ ဗုဒ္ဓ၀ံသရက္ခိတ အစီအစဉ်များကိုဝင်ရောက်အားပေးကြသော အရိယာအနွယ်ဝင်သူတော်ကောင်းအပေါင်းတို့ သည်စိတ်၏ချမ်းသာခြင်း ကိုယ်၏ကျန်းမာခြင်းနှင့်ပြည့်စုံရပါစေသတည်း...

Related Posts Plugin for WordPress, Blogger...