အမေရိကန်မှ ဆရာဝန်အချို့က နေ့စဉ် ကော်ဖီခွက်ရေ အတော်များများ သောက်ခြင်းသည် သွေးတိုးခြင်း၊ ၎င်းနှင့်ဆက်စပ်ပြီး နှလုံးရောဂါ၊ လေဖြတ်ခြင်းနှင့် အသက်တိုနိုင်ခြင်းတို့ ဖြစ်ပေါ်စေတတ်သည်ဆိုသော အယူအဆများကို ပယ်ချလိုက်
ကော်ဖီကို အများအပြား သောက်သုံးခြင်းကြောင့် သွေးတိုးနိုင်သည်ဆိုသော အချက်ကို ပညာရှင်များက ငြင်းဆိုလိုက်သည်။ အမေရိကန်မှ ဆရာဝန်အချို့က နေ့စဉ် ကော်ဖီခွက်ရေ အတော်များများ သောက်ခြင်းသည် သွေးတိုးခြင်း၊ ၎င်းနှင့်ဆက်စပ်ပြီး နှလုံးရောဂါ၊ လေဖြတ်ခြင်းနှင့် အသက်တိုနိုင်ခြင်းတို့ ဖြစ်ပေါ်စေတတ်သည်ဆိုသော အယူအဆများကို ပယ်ချလိုက်သည်။ လူဝီစီးယားနားရှိ ပြည်သူ့ကျန်းမာရေး ဆေးကျောင်းမှ ဒေါက်တာလီဝီချန်းနှင့် သုတေသီများက နေ့စဉ်ကော်ဖီ ခွက်ရေအတော်များများ သောက်သူများနှင့် ကော်ဖီမသောက်သူများကြား သိသာထင်ရှားသော သက်ရောက်မှု မရှိကြောင်း အတည်ပြု ပြောကြားခဲ့ကြသည်။ လူပေါင်း(၁၇၀၀၀၀)တို့၏ (၃၃)နှစ်တာ ကာလအတွင်း နေထိုင်စားသောက်မှု ပုံစံကို စနစ်တကျ လေ့လာပြီးနောက် ကော်ဖီကို အလွန်အကျွံ စွဲမြဲစွာ သောက်သုံးခြင်းသည် ကျန်းမာရေးအတွက် ဆိုးရွားသော သက်ရောက်မှုမျိုး မရှိနိုင်ဟု ဒေါက်တာချန်းက ရှင်းပြခဲ့သည်။ “အဓိကကျတဲ့ ပြောင်းလဲမှုကတော့ လူတွေရဲ့ မျိုးဗီဇ ကွဲပြားမှုက ကော်ဖီရဲ့ အာနိသင်ကို ပုံစံမတူဘဲ လက်သင့်ခံကြတဲ့ အချက်ပဲ ဖြစ်ပါလိမ့်မယ်။ ဒီတော့ လူတချို့ဟာ ကော်ဖီဘယ်လောက်သောက်သောက် ဘာမှမဖြစ်နိုင်ပေမယ့် တချို့ကျတော့ ဒီစံညွှန်းနဲ့ တိုင်းတာလို့ မရပါဘူး။ ကော်ဖီကြောင့် သွေးတိုးတာ မဟုတ်ဘဲ လူတွေရဲ့ မျိုးဗီဇ ဖွဲ့စည်းမှု အပြောင်းအလဲကြောင့်သာ ခုလိုကွဲပြားတဲ့ သက်ရောက်မှုတွေ ဖြစ်လာတာပါ”ဟု သူမက ပြောဆိုသွားသည်။ နယူးယော့ခ်ရှိ မောင့်ဆီနိုင်း ဆေးပညာစင်တာမှ ဒေါက်တာလောရန့်စ်ကရာကော့ဖ်ကလည်း “ကော်ဖီက သွေးတိုးမှုအတွက် အန္တရာယ်များတဲ့ ညွှန်ကိန်းတစ်ခုလို့ ကျွန်တော်လက်ခံလို့ မရဘူး”ဟု ပြောဆိုသွားသည်။ သို့သော်လည်း သွယ်ဝိုက်သော သက်ရောက်မှုအဖြစ် တစ်နေ့လျင် ကော်ဖီ(၁၂)ခွက်မျှ သောက်ပါက အိပ်မရဘဲ မျက်စိကြောင်နေတတ်သော ပြဿနာမျိုး ကြုံရနိုင်ပြီး ယင်းမှာမူ သွေးတိုးခြင်းနှင့် ဆက်စပ်သည်ဟု ယူဆရကြောင်း ဒေါက်တာကရာကော့ဖ်က သတိပေး ပြောကြားခဲ့သည်။
No comments:
Post a Comment
ကျနော်များ၏ ဗုဒ္ဓ၀ံသရက္ခိတ အစီအစဉ်များကိုဝင်ရောက်အားပေးကြသော အရိယာအနွယ်ဝင်သူတော်ကောင်းအပေါင်းတို့ သည်စိတ်၏ချမ်းသာခြင်း ကိုယ်၏ကျန်းမာခြင်းနှင့်ပြည့်စုံရပါစေသတည်း...