ဝလွန်း ပိန်လွန်းသူများ

ဝတ်ရည်အောင်

အတွဲ (၁၀)၊ အမှတ်(၃၆)

ဘ၀တွင် အောင်မြင်မှုများရရှိရန် အောင်မြင်လိုသူတိုင်းကမိမိတို့၏ အချိန်များကို အကျိုးရှိရှိအသုံးချကြသည်။ ဘ၀တွင် အောင်မြင်မှုများ၊ ကြွယ်ဝမှုများသည် အရေးကြီးသည် မှန်သော်လည်းထိုအရာများကို စံစားနိုင်ရန်ကျန်းမာပျော်ရွှင်နေရန်လည်း အထူးလိုအပ်သည်။

ကျန်းမာရေးကောင်းမွန်ခြင်းဆိုသည်မှာ အနာရောဂါကင်းရှင်းရုံ၊ ကိုယ်လက်အင်္ဂါပြည့်စုံရုံ မဟုတ်ဘဲ စိတ်ပိုင်းဆိုင်ရာ ချမ်းသာမှသာ ပြည့်စုံနိုင်ပြီး ထိုကဲ့သို့ ကျန်းမာခြင်း၊ ကျန်းမာနေသည့်အချိန်တွင် ကျန်းမာခြင်းအကျိုးကို အလေးထားမှုနည်းပါးကြောင်း သားဖွားမီးယပ်အထူးကုဆရာဝန်ကြီး တွဲဖက်ပါမောက္ခဒေါက်တာ စိုးလွင်ကသုံးသပ်သည်။
လူအများစုသည် အလှအပ အတွက် အာရုံစိုက်မှုများကြသော်လည်း ကျန်းမာသော အခြေအနေတစ်ခုဖြစ်ပေါ်ရန်ကိုမူ အာရုံစူးစိုက်မှုနည်းပါးနေသေးသည်။
လူတစ်ဦးသည် ရှိသင့်သည့်ကိုယ်အလေးချိန်တစ်ခုအား မဖြစ်မနေ ထိန်းသိမ်းထားသင့်ပြီး ၀လွန်းသော ခန္ဓာကိုယ်အလေးချိန်၊ ပိန်လွန်းသော အစွန်းရောက် အခြေ
အနေများကနောက်ဆက်တွဲ ကျန်းမာရေးအားထိခိုက်လာနိုင်စေကြောင်း သိရသည်။ ထိုဝခြင်း၊ ပိန်ခြင်းမှာလည်း နေ့စဉ်စားသုံးသည့် အစားအသောက်များ၏ စားသုံးမှုပုံစံ၊ ပါဝင်သော ကယ်လိုရီများ၊ အခြားအခြေအ နေများက ဖြစ်ပေါ်စေကြောင်း သိရသည်။
ဝလွန်းခြင်း၊ ပိန်လွန်းခြင်း၏ နောက်တွင် ရောဂါများလည်း ကပ်ပြီးပါလာလေ့ရှိကြသည်။ အလွန်ဝသည့် ခန္ဓာကိုယ်သည် ကင်ဆာရောဂါများအား ဖိတ်ခေါ်နေပြီး ရင်သားကင်ဆာ၊ သားအိမ် ကိုယ်ထည်ကင်ဆာ၊ အူမကြီးကင်ဆာ၊ သည်းခြေအိတ်ကင်ဆာများ ဖြစ်ပွားစေနိုင်သည့် အလားအလာလည်း များပြားကြောင်း သိရသည်။
“သိပ်ဝလာရင် လှုပ်ရှားမှုတွေ နှေးကွေးလာတယ်။ ခြေ ထောက်က ခန္ဓာကိုယ်အလေးချိန်ကို သယ်ထားရတာ ဖြစ်တဲ့အတွက် ကြာရင်ဒဏ်ရာရလာတယ်။ ဒူးတွေ နာလာကြတယ်။ လှုပ်ရှားမှုနည်းပါးလာတဲ့အတွက် ကိုယ့်ကိုယ်ကိုယ် ယုံကြည်မှုတွေလည်း နည်းပါးလာတယ်”ဟု ဒေါက်တာ စိုးလွင်က ပြောသည်။
ကိုယ်ဝန်ဆောင်ချိန်တွင် လည်း ပြဿနာများ ရင်ဆိုင်ရ နိုင်ပြီး ပေါင်မပြည့်သည့် ကလေးမွေးဖွားနိုင်ခြင်း စသည်များအပြင် ခွဲစိတ်ပြီးသည့်အခါတွင်လည်း အနာကျက်ခြင်းနှေးခြင်း၊ သွေးကြောများ ပိတ်ခြင်းစသည်များ ခံစားရနိုင်သည်။
ပိန်သည့် သူများတွင်လည်း အဆီနည်းပါးသဖြင့် အဆီမှတစ်ဆင့် ဖြစ်ပေါ်လာသည့် မဟော်မုန်းများ နည်းပါး၍ ခန္ဓာကိုယ် အလှအပများ မဖြစ်လာခြင်း၊ထို့အပြင် ပုံမှန်ရာသီမလာခြင်း၊ ပုံမှန်ရာသီမလာသည့်အတွက် သားဥမကြွေခြင်းဖြစ်၍ ကလေးရနိုင်ရန် မလွယ်ကူခြင်း၊ ကလေးအလွယ်တကူ ပြတ်ကျနိုင်ခြင်း၊ ပေါင်မပြည့်သည့် ကလေးများ မွေးဖွားနိုင်ခြင်းစသည့်အခြေအနေများလည်း ဖြစ်ပေါ်စေနိုင်သည်။
“အလေးချိန်ကို အမှန်ကန် ဆုံးဖြစ်အောင် တွက်ချက်ထားတာတွေလည်းရှိတယ်။ အမျိုးသမီးတစ်ယောက်ဆို အရပ် ၅ ပေဆိုရင် ပေါင် ၁၀၀ က ပုံမှန်ပဲ။ ၅ ပေထက် တစ်လက်မကျော်တိုင်း ၅ ပေါင်တက်သွားရမယ်။ ယောက်ျားလေးဆိုလည်း ၅ ပေမှာ ၁၀၆ ပေါင်ရှိရမယ်။ တစ်လက်မ တက်လာတိုင်း ၆ ပေါင်တက်သွားတဲ့နှုန်းနဲ့ တွက်ချက်နိုင်တယ်။ အဲဒါရလာတဲ့အလေးချိန်က ရှိသင့်ရှိထိုက်တဲ့ အလေးချိန်ပဲ” ဟု ဒေါက်တာစိုးလွင်က ပြောကြားသည်။
အစာစားသုံးသည့် ပုံစံသည်လည်း ကျန်းမာရေးအားကောင်းမွန်စေသင့်သော်လည်း စားလိုက်သည့်အစာသည် အာဟာရမဖြစ်ဘဲ အဆိပ်ဖြစ်သွားစေသည့် အစား
အသောက်များလည်းရှိသဖြင့် ဆင်ခြင်သင့်ကြောင်းသိရသည်။
အစာစားသုံးသည့်အခါတွင် စားလိုက်ပြီးဆိုးကျိုးများဖြစ် စေသည်များလည်းရှိရာ အစာစားသည့်အခါ မဆာလျှင် မစားခြင်း၊ အလွန်အကျွံပြည့်တင်းစေရန် စားခြင်းမှ ရှောင်ကြဉ်ခြင်း၊ မိမိနှင့်မတည့်သည့် အစားအစာများအားဆင်ခြင်ခြင်း၊ အားနာ၍စားခြင်းမှ ရှောင်ကြဉ်ခြင်း၊ နှမြော၍ စားခြင်းအားဆင်ခြင်ခြင်း၊ အလကားရ သည့်အတွက် အများအပြားစားသုံးခြင်းများသည် မိမိအား ဝေဒနာများသာ ဖြစ်စေနိုင်သည်အား သတိပြုသင့်ကြောင်း သိရသည်။
“အစာစားပြီးတဲ့အခါ စားပြီးရင် ကျေနပ်မှုရှိရမယ်။ အစာအစားက လိုအပ်တဲ့ဗီတာမင်ဓာတ်တွေနဲ့လည်းညီညွတ်မျှတရမယ်။ နည်းနည်းနဲ့ ခဏခဏစားရမယ်။ ပြီးတော့ ဖြည်းဖြည်းနဲ့ကြေညက်အောင် စားသင့်တယ်”ဟု အဆိုပါ ဆရာဝန်ကပြောသည်။
အစားအစာများအား ဖြည်းဖြည်းစားသင့်သည့်အကြောင်းမှာ ဦးနှောက်အတွင်းရှိ အစားအစာ လိုအပ်မှုကို ထိန်းချုပ်သည့် အစိတ်အပိုင်းများသည်အစားအသောက် စား သည့်အခါ ဗိုက်ပြည့်၊ မပြည့် ဆုံးဖြတ်နိုင်ရန် အချိန် မိနစ် ၂၀ လိုအပ်သည့်အတွက်ထမင်းစားသည့်အခါ မိနစ် ၂၀ ခန့်ကြာအောင်စားသင့်ကြောင်း သိရသည်။
“အစားအသောက် စားတယ်ဆိုတာ တစ်ရက်တည်းအတွက် စားတာမဟုတ်ပါဘူး။ တစ်သက် လုံးစားရမှာဖြစ်တဲ့အတွက် သတိထားပြီး အဆိပ်မဖြစ်သွားစေ အောင် သတိထားသင့်တယ်”ဟု ဒေါက်တာစိုးလွင်က ပြောကြားသည်။ မိမိတွင် ခံစားနေရသည့် ရောဂါဝေဒနာများမရှိသော်လည်းစိတ်ဓာတ်ကျနေတဲ့သူတစ်ယောက်အား ကျန်းမာသည်ဟု သတ်မှတ်၍ မရနိုင်ဘဲလူတစ်ယောက်အ နေ ပေါင်းသင်းဆက်ဆံရေး၊ စိတ်ပိုင်းဆိုင်ရာ၊ ရုပ်ပိုင်းဆိုင်ရာတွေ ပြည့်စုံနေရန်လည်း လိုအပ်ကြောင်း ဒေါက်တာစိုးလွင်က ဆီဒိုးနားဟို တယ်တွင် ပြုလုပ်ခဲ့သည့် ကျန်းမာရေးဟောပြောပွဲ၌ ပြောကြားခဲ့သည်။
အမျိုးသမီးများအနေဖြင့် လည်း မိမိ၏ အလှအပတရား တစ်ခုအတွက်သာ မဟုတ်ဘဲကျန်းမာသည့် ခန္ဓာကိုယ်တစ်ခုဖြစ်စေရန်အတွက် အစားအသောက်များ ဆင်ခြင်စားသုံးခြင်းအပြင် အသက်အန္တရာယ်ကိုပါ ထိခိုက်နိုင်သည့် ကူးစက်ရောဂါများဖြစ်သော သားအိမ်ခေါင်းကင်ဆာ၊ ရင်သားကင်ဆာကဲ့သို့ ရောဂါများအား ကြိုတင် ကာကွယ်သည့် နည်းလမ်း များနှင့် မိမိကိုယ်အား ကာကွယ်သင့်ကြောင်း သိရသည်။
နောက်ရာစုနှစ် ၂ ခု လောက်တွင်လည်း ကူးစက်ရောဂါများမရှိသည့် အစားအသောက် ကြောင့် ဖြစ်ပွားသည့် သွေးတိုး ရောဂါ၊ နှလုံးရောဂါ၊ ဆီးချိုရော ဂါများကြောင့်လည်း အသက်သေဆုံးမှုများပြားလာနိုင်ကြောင်း ကျွမ်းကျင်ဆရာဝန်များက အကြံပြုပြောကြားထားသဖြင့် ဂရုစိုက်၍ စားသောက်သင့်ကြောင်း သိရှိ
ရသည်။